Það er greinilega búið að breyta kerfinu e-ð hérna... .því ég var ekkert að fatta fyrst hvernig ég ætti að setja færsluna á bloggið *blond*

En ... það er komið í gagnið núna.

 Benedikt tók sín fyrstu skref í gær.   Það var svoooo sætt!

I dag vill hann bara hlaupa! 

Kanski að maður eigi að skrifa hérna svona .... for once.

Margt er búið að gerst síðan ég skrifaði hérna síðast og skv. mynninu mínu var Benedikt 7,5  mán.  SVAKA actívur penni! 

1.  Við Benedikt erum flutt.  Fann mjög kósí 2ja herb. íbúð á ágætis díl þannig að við ákváðum að skella okkur á það.  Meira að segja er Benedikt með sér dótahorn í flotta tjaldinu sínu þannig að það er eins og semi-herbergi.  haha

2. Hætt í skólanum.  Ég ákvað að setja skólann aðeins á pásu þar sem við vorum að flytja og ég ákvað að slaufa honum þangað tl seinna... Einbeita mér að okkur Benedikti, að mynda okkar fjölskyldueiningu og rútínu.

3. Byrjaði að vinna við aðhlynningu á Ljósheimum og er þar í 80% stöðu.  Mér finnst alveg æði að vera að vinna aftur við aðhlynningu og finn ég að þetta er eitthvað sem ég ætla að gera það sem eftir er! ... eða allavega á meðan ég hef líkama og burði til í ellinni. 

4. Benedikt er orðinn 1 árs, litli kúturinn minn, og er allur að braggast.  Er farinn að haupa meðfram, labba á milli hluta og með stuðningi ... reyndar þegar hann heldur í puttana á mér þá hleypur hann af stað... þannig að það er bara mjööög stutt í að hann fari að labba.  Hann stendur líka í smá stund hjálparlaus! 

5. Fórum í fyrstu fermingarveisluna hans Benediktar þann 1. apríl og var Samúel (Samúel og Benedikt eru systkynabörn föðurmegin).  Það var rosalega gaman í veislunni, mikið fjör og mikið gaman!  Við hittum ömmusystkyni Benediktar og erum alveg ákveðin í því að fara í heimsókn við tækifæri.    

6. Það er búið að gerast svo mikið að ég er hálf mindless núna af því að ég veit ekki hvað ég eigi að skrifa meira ... það kemur ... þá bara posta ég því við tækifæri ... annars er flest inni á síðunni hans Benediktar.

Anyway.... ég held að þetta sé bara ágætt núna.  Ætla að fara að breiða úr mér í æðislega kúrisófanum mínum þangað til Benedikt vaknar. 

C ya!

Gengur bara rosalega vel að ég best veit.  Fékk út úr dönskuprófi í dag og var með 8,7 sem mér finnst gott.  Komst að því líka að ég er með Alzheimer í stærðfræði.  Þarf greinilega að ryfja hana upp.  Annars er bara frábært að vera í skólanum.

Er að glenna upp augun til að kjósa Magna.... Styðja minn mann! 

Hef e-ð voðalega lítið að segja e-ð núna... þannig að ég ætla að þegja í stað þess að segja.  

TaTaaaa....

Það sem er uppi núna er Benedikt Ingi, skóli og vinna, ungbarnasund! 

Það er bara inn! 

Annars gengur allt í ljómanum.  Benedikt er alltaf jafn yndislegur, er farinn að borða 3 sinnum á dag og nánast kominn í Stoð-mjólkina enda rifnar hann alveg út.  Bolli bolli   Förum næst í 6 mán skoðun 5 sept held ég (verður 6 og hálfs mánaða þá).

Benedikt finnst alveg æðislega gaman að vera í sundi.  Er á milljón allan tímann.  Rosalega duglegur, litli engillinn minn.  Lærði að kafa í síðasta tíma og þótti það bara cool en stuttu eftir dýfinguna ákvað hann að hann væri alveg rosalega svangur og þreyttur en samt hélt hann áfram að vera á milljón í sundinu.  Var svo ofvirkur til 23 um kvöldið eftir sundið, það var SVO gaman! 

en .... ég er farin að læra á meðan prinsinn sefur! 

Margt hefur þotið í gegnum hugann á mér síðustu daga og verið að spá og spekúlera í ýmsum hlutum en og sést kanski í síðasta pósti sýnishorn af því.

Til dæmis hvað skilgreinir áhuga?

er það að hugsa um hlutinn? tala um hann? eða framkvæma hann?  Ég veit að þetta er voðalega djúpar og furðulegar pælingar ... en pælingar samt! 

Það að hugsa um hlutinn og gera ekkert/lítið sem ekkert af hinu virðist mér sem takmarkaður áhugi, "að hafa hann á samviskunni".

Það að tala um hlutinn og gera ekkert/lítið sem ekkert af hinu virðist mér vera bara blaður .... fólk getur blaðrað endalaust og gert ekkert í hlutunum.  Það er meira eins og einhver "inn" bóla eða sýndarmennska og kanksi eitthvað á samviskunni sem fjarar fjótt út. 

Það að framkvæma hlutina og gera ekkert/lítið sem ekkert af hinu virðist mér vera það að fólk er að fela eitthvað og skammast sín.  Ekki beint áhugi ...er það?

Mín skilgreining á áhuga er blanda af öllu saman, þ.e. að hugsa mikið um hann, tala slatta um hann (þó án þess að fólk verði leitt á manni), og framkvæma hlutinn eins og maður getur (og jafnvel líka þrátt fyrir að maður geti það ekki stundum).  Það sýnir virkilega að maður er "in-to" eitthvað.

Hvað seigiði um það?

Allt gott að frétta hér frá Selfossi. Alltaf sól og blíða hér Ég og Benedikt Ingi erum að byrja í ungbarnasundi á morgun og verðum í sundi einu sinni í viku. Spriklast og sprellast. Stóri engillinn minn er alltaf að stækka og stækka og verður yndislegri með hverjum deginum, hélt að það væri ekki hægt! Senn líður að hausti þar sem verslunarmannahelgin er búin og er mín að spá í því að leyja bústað einhverntímann á næstunni, hvenær sem það verður. Löngu kominn tími á að fara í pott og hafa það næs ... og bjór en sleppi tekílanu núna Get alveg verið jafn vitlaus edrú og full. Annars er bara voðalega lítið að frétta af mér... lífið gengur bara áfram. Er að fara að setja bílinn á sölu aftur, líður að skóla og þarf margt að ariserast fyrir veturinn hvernig allt verður og reyna að koma öllu saman þar sem ég er að verða búin í fæðingarorlofi. Skrítið með ríkið að það haldi að allir séu það vel stæðir að mæðurnar geti tekið orlof í 2 ár, eða þangað til þau komast á leikskóla. Eða hafi efni á því eða vilja til að setja barnið til dagmömmu 6-9 mánaða gamalt. Tökum mig sem dæmi: Ég er einstæð móðir og er ekkert búin að vera að fá forsetalau beint í fæðingarorlofinu þannig að ég þurfti að taka það fullt = 6 mán. Að því loknu fer ég að vinna eða í skóla og þá þarf ég auðvitað að setja barnið mitt til dagmömmu. Það er svo sem gott og gilt, hef alls ekkert á móti dagmömmum, nema það að mér finnst 6 mánaða gamalt barn ALLTOF ungt til að setja það til dagmömmu 8 tíma á dag 5 daga vikunnar. Þegar barn er svona ungt þá þarf það mikið á FORELDRUM sínum að halda og þá oft aðeins meira móður sinni. Að senda barnið sitt frá sér 40 tíma á viku eða 160 tíma í mánuði finnst mér bara alltof mikið! Það er svo margt að gerast í lífi barnsins, taka út mikinn þroska, byrja að læra að borða, drekka af stútkönnu, skríða, sitja og ýmislegt og svo á maður að missa af þessu og láta einhverja kellingu út í bæ verða vitni að, segjum til dæmis, helmingnum af þessu! Ég bara kæri mig ekkert um það! Þar sem ég er móðir barnsins vil ég taka þátt í þessum mikla þroska í lífi míns barns. En því miður þar sem ég er EINSTÆÐ móðir þá verð ég að missa af þessu. Það finnst mér frásinna og fáránlegt og asnalegt og ég get örugglega fundið fleiri orð fyrir það. Svona fyrir utan það líka að dagmamma kostar 50-60 þúsund á mánuði fyrir barn í fullu plássi. Ekki er ég hvorki svo efnuð eða fjáð eða menntuð þannig að ég moka inn peningum fyrir 5-60 þús á mán í dagmömmu. Ísland er að fara/er farið til helvítis!

Ég er búin að kaupa mér nýja laptop ... Acer Aspire frá tölvulistanum ... og hún er baaaaara brilliant! i Rock Sakna litlu sys rosalega mikið og hlakka ekkert smá til að hún komi heim frá Noregi þann 16. Benedikt Ingi er búinn að vera lasinn en það er búið að mestu núna nema að hann hóstar tiltölulega mikið. Er í göngu núna með ömmu sinni. En annars er ég voðalega fín bara bíbí, Tölvunördinn

Þá er ég búin að selja minn yndislega bíl ... eða svona næstum því! Litli bró ætlar að kaupa hann af mér og ég er rosalega ánægð með það, sérstaklega þar sem þetta er mjög öruggur og fjölskylduvænn bíll þar sem það er að koma lítil skotta! Mig langar á ættarmót í sumar hjá múttufjölskyldu ... en er að reyna að kýla það í gegn... með því að vera alltaf að spurja hvort það eigi ekki að vera og hvenær! Alltof langt síðan það hefur verið síðast eða 2 ár ... það átti að vera á hverju sumri en frestaðist vegna sérstakra aðstæðna á síðasta ári sem er mjög skiljanlegt. Ég er rosalega ánægð að heyra það að ég er ekki sú eina af "barnabörnunum" sem hefur áhuga á þessum fjölskyldumótum því þegar mamma hefur verið að kenna úti á landi hefur þetta umræðuefni skotið upp alloft og fólk vill fara að fara að hittast allt og sprella! Alltaf rosaelgt stuð þegar við komum saman! Síðasta fjölskyldumót var á Eiðum og var rosalega gaman, mikið sprellað, farið öll saman á Norðfjörð til ættmenna þar og í siglingu á bátnum sem Malli frændi á, fjallgöngu(gengum upp á snjóflóðagarð), allsherjar kaffiboð, haldin kvöldvaka á laugardagskvöldinu þar sem var spilað á gítar, sungið og mikið hlegið en þegar líða fór á kvöldið fórum við ömmubörnin saman að djamma á Egilstöðum en þá var "ball" með LoveGuru ...en það var alveg brilliant ... Við þurfum samt að láta verða af því að hittast bara ömmubörnin og gera e-ð saman ... láta eitthvað verða úr því sem við erum alltaf að tala um! ... Ýmsar hugmyndir hafa flogið í lotinu eins og fara í sumarbústað yfir helgi, út að borða, leikhús, leigja sal og gera e-ð spes og svo ýmislegt meira ... en ég vona það ynnilega að það verði e-ð úr þessu. Annars gengur bara rosalega vel með Benedikt Inga ... hann rifnar út og er bara ÆÐI! En þetta er gott í bili! Kveðja,

Eitt af því sem ég þoli ekki er þynnka! Er með eitt slíkt fyrirbæri núna... og ég hef aðeins einu sinni á æfi minni orðið svona þunn! Mín er búin að ákveða það að nú sé komið nóg af djammi í bili! Fór í útskriftarveislu til Lindu Hf. En ég kom það seint þannig að það var bara drifið sig út í bíl og skutlað sér niður í miðbæ. Það var pakkað á öllum stöðum en þú kíktum við bara á Hressó og Glaumbar. Hitti fullt af skemmtilegu fólki sem ég hef ekki séð eða heyrt í lengi og var það alveg brilliant! Ætlaði að fara á Nasa í júrópartý Páls Óskars en ég náði aldrei þangað ... hélt að það væri búið að loka klukkan 0330 þannig að ég var ekkert að fara en komst að því seinna að þeir lokuðu ekki fyrr en 0530 ... Guð hvað ég var svekkt yfir því að missa af því því mig langaði virkilega að fara þangað sérstaklega þar sem ég fór í fyrra og var það alveg geggjað! En annars er voðalega lítið að frétta nema það að ég er búin að selja limmósíuna mína... og er ég rosalega ánægð með það ... En ég er strax farin að sakna hennar. Ætla að fara að henda mér, reyna að losna við þessa ógeðslegu þynnku! C ya!

...er æði! 

Var að hjálpa mömmu og pabba að vinna í garðinum í gær og fyrradag í góðaveðrinu (25°C og 22°C, heiðskírt og logn!) og ég bara rifjaði það upp að ég elska að vera að brasast í garðvinnu ... enda er ég búin að vera að farast úr harðsperrum! 

Amma og mamma gáfu mér kort í Styrk og ætla ég að fara með mömmu og Moniku í ræktina að koma mér í betra form ... líka til að vera ekki eins og rusl þegar ég er að byrja að vinna aftur.  Benedikt verður bara úti í vagninum á meðan og ég með barnapíuna á mér eða bara uppi í barnapössuninni.  Síðan ég fór að breyta um matarræði með mömmu fór mér að líða miklu betur.  Er farin að borða fisk!!!!  Skipti út kartöflum fyrir sætar kartöflur, kornaspeltbrauð fyrir venjulegt, hætt að drekka mjólk, nánast safa, kók og þvíumlíkt.  Drekk eigillega bara vatn, stundum kaffi (selskaps) og fæ mér einstaka sinnum safa eða Coke light.  Engann sykur bara náttúrulegt sýróp (sem ég nota í kaffi, en er að venja mig af sykri í kaffi) og farin að borða miklu meira grænmeti og ávexti ... ég er ekki að þessu til að grenna mig eða í átaki.  Þetta fer bara allt öðruvísi í magann á mér og ég fæ rosalega sjaldan í magann núna.  Líka maður verðu þægilega saddur og líður vel því maður var að borða hollan og næringarríkan mat.  Ef mig langar í nammi eða súkkulaði þá fæ ég mér það sundum og þá lítið en annars finnst mér best að narta bara í spelt-brezels ef mig langar í e-ð.  Ef e-r kíló fjúka er það bara plús... ánægjulegur plús  

Ég er líka fegin að ég sé að gera þetta á meðan Benedikt er svona lítill svo ég byrji bara strax á að venja hann á svona mat... að hann þekki ekkert annað.  Verð ekki að standa í slagsmálum hehehe

Benedikt er farinn að hjala... og það er svooo sætt!  og að brosa alveg allan hringinn og skoða allt miklu meira og betur... og fylgjast með .. það er svo æðislegt að fylgjast með honum ... gæti verið dáleidd af honum í marga klukkutíma!  Þetta er það besta í geiminum x hundraðþúsundmilljóngrilljónsilljón!

Annars er mikið í bígerð ... læt ykkur vita af því þegar þar að kemur.. leyndó, leyndó! 

Annars er bíllinn minn til sölu ... Skoda Octavia Elegance 2,0! Linka á hann þegar hann kemur inn.  En það er sett á hann 1280 þús... yndislegi bíllinn minn ... ég á eftir að sakna hans mikið ... en ég hef ekkert við bíl að gera... hann stendur bara í stæðinu, nota hann ekkert því ég fer alltaf á vagninum sem ég þarf að fara.  Mæli alveg gilljón prósent með þessum bílum! 

En ég ætla að henda mér, bless í bili.

Jæja... þá var skírt prinsinn 8.apríl og hlaut hann nafnið Benedikt Ingi sem þýðir Blessaður konungur.  Ég er alveg í skíjunum með skírnina og nafnið.  Ég þakka æðislega fyrir okkur ... en ég hélt tvær skírnarveislur.  Önnur var stelpupartýsskýrnarveisla og voru þar bara við stelpurnar að spjalla og grína .... kominn alltof langur tími síðan við gerðum e-ð saman ... en Benedikt fékk frá þeim fullt af gæjalegum fötum, 2 myndaalbúm, silfurhálsmen með trú, von og kærleik, styttu (sem var svo notuð í skreytingu í aðalskýrninni...svo sæt), páskaegg... 

Svo í aðalskírnarveislunni fékk hann vagn og kerru, fullt, fullt af fötum, armband til að skrifa skammstöfunina sína í, tvö myndaalbúm, ramma, 27 þús kr. til að leggja inn á framtíðarreikning sem hann fær til íbúðarkaupa við 18 ára aldur, hársnyrtisett, ömmustól sem hann elskar að vera í, Dagbók barnsins, gjafabréf í Kringluna og svo líka sængurverasett sem var saumað rosalega sætt út með englum og svoleiðis spes handa honum. Ég þakka æðislega fyrir okkur og það var virkilega gaman að fá alla okkar nánustu til að koma og samgleðjast á hans fyrsta merkisdegi.

Núna gengur lífið bara ljúft ... uppgötvaði að litli prinsinn er með mjólkuróþol og því skipti ég yfir í Soya mjólk og hann er orðinn frískur aftur. 

Annars er hann alltaf að læra e-ð nýtt og geta meira og meira.. .og það er bara yndislegt að fylgjast með honum ... Og svo ætlar mín að ath. með ungbarnasund handa okkur því við viljum geta farið í sund í sumar og sérstaklega þar sem pabbi ætlar að setja heita pottinn í sumar þannig að það verður sprellað mikið í honum.

Við fórum á Sauðárkrók um páskana og það var alveg yndislegt ... hef ekki farið þangað í ár og þar á undan nokkur ár.  Benedikt fór í fyrsta skipti út að labba í vagni og fílaði það alveg í ræmur.  Er að spá í því að fara aftur á Sauðárkrók í byrjun maí ... fá far hjá mömmu ... erum að fara í fermingu og svo fer mamma og Fanney frænka á Eskifjörð og þar verða "systragettogether" dagar.  Þær mættu gera þetta oftar ... hittast og sprella soldið saman ... annars er verið að láta sig dreyma um það að fara saman til Kanarí næstu páska held ég ... allaveg það yrði örugglega rosalega gaman að prófa það. 

Annars fékk Benedikt Ingi vagn og kerru frá mömmu og pabba í skírnargjöf og það er búið að fara óspart út að labba í honum ... hann alveg elskar það ... fer 2 var út að labba í vagninum á dag!    Svo ætlum við að fara í Styrk (líkamsræktarstöðina hérna) og púla með ... og vera svo flott! 

Ég er orðin "single" eða einhleyp aftur ... en það er bara ágætt, skrítið en svona er lífið!  

Sumarið er svo sannarlega tíminn!

Kveðjur frá Selfossi,

Ég er að gefast upp á þessu landi ... svo virðist alltaf sem þeir ríkustu o.þ.h. eigi alltaf rétt á öllu ... og meira en það með fríðindum í bónus!

Núna er ég í fæðingarorlofi .... nema það að TR fær út það skv. þeirra útreikningum að ég er með 70 þús minna úborgað en ég hef verið með síðastliðið ár.... og þar að auki vantar inn tekjur frá næturklúbbnum sem ég var að vinna á .... PLÚS það að það vantar inn tekjur 4 mánuði af þessum blessuðu 2 árum ...baahh... er svo pirruð að ég hugsa ekki einu sinni skírt...

2004: Er að sjá furðulegustu launatölur sem hægt er að sjá.

2005: hmmm.... Vantar inn tekjur frá einum vinnustað plús c.a 70 þú á mán....

Saman:  Vantar inn mánuð hér og þar.

Ég hef aldrei á æfi minni séð svona furðulegan launaútreikning... og auðvitað þýðir ekkert að spurja eða að reyna að leiðrétta þetta... "Ríkið hefur aaaaalltaf rétt fyrir sér". 

Svo var mér sagt af TR og stóð á öllum umsóknareyðublöðum að ef ég væri ríkisstarfsmaður, sem ég er, að þá ætti ég rétt á þessum 20% af laununum sem fæðingarorlofið dekkar ekki.  Ókei, mín voða ánægð því hún var farin að hafa áhyggjur af blankheitum í f.orlofinu.  EN ... aldeilis ekki eftir langa mæðu og nokkrar símhringingar í LSH þá komu pappírarnir á réttan stað ... en þá fékk ég að vita það að ég á ekki rétt á einu eða neinu AF ÞVÍ AÐ ÉG ER Í EFLINGU!!!! *gargh*

Ég er búin að vinna á LSH í eitt og hálft ár og skipti um félag núna í des. vegna þess að ég er orðin sjúkraliðanemi og fer þá sjálfkrafa í Sjúkraliðafélag Íslands ... en ég á ekki rétt á neinu af því að ég er ekki búin að vera í því í 6 mán ... WTF!!!    Ég hélt að það væri nú bara nóg að vera búin að vinna á sama vinnustað í 6 mán ... en að stéttarfélagið skipti öllu máli ... ekki það að ég er búin að vinna á sama vinnustaðnum ... í sömu vinnunni og gera nákvæmlega það sama... en út af því að ég er komin með e-a fagmenntun í því sem ég er að gera ... þá á ég ekki rétt á neinu ...af því að ég gerði það ekki 5 mán fyrr....

Kanski hefði ég bara átt að plana það að verða bomms 5 mán seinna ... af því að ríkinu hentaði það! eða þess þá heldur stéttarfélögunum!  Ríkið er ekki hvetjandi í því að fólk eignist börn .. og það sýnir sig og sannast svo sannarlega með þessu ...

Kanski er þetta bara ein leiðin til að spara hjá þeim .... fyrir fleiri "vinnuutanlandsferðum" eða fleiri kokteilboðum, fylleríum og afmælum sem þeim finnst sjálfsagt að skattgreiðendur borgi!

Ég er svo pirruð núna að ég gæti kirkt e-n ... eins gott að ég eigi ekki heima í bænum og nálægt TR, stjórnarráðinu eða alþingishúsinu.

Er að sjá fram á það að ég verði að fara að vinna frá 5 vikna gömlu barni.  Ekki beint skemmtilegt tilhugsun!

Hoppi ríkið og TR í ra****tið á sér... ef þeim vantar hjálp ...skal ég bjóða mig fúslega fram í það!

Já ... satt er það ... mín er orðin mamma...

Ég ól lítinn prins í heiminn þann 21. febrúar kl: 1953 á LSH-Hringbraut en lá sængurleguna á Selfossi.  Prinsinn var 48 cm og 2860 gr. eða 11.5 merkur... nettur! ...

Fæðingin gekk bara ljómandi vel, var 21 tíma í fæðingu f.u. verki og ónot 2 sólarhringa áður svo ég var komin með ágætis svefngalsa þegar ég fór af stað!   ...sem var c.a. 22-23 þann 20. en þá var ég komin með verki á 5-7 min fresti ... en ég var alveg handviss um að þetta væru bara....verkir... fyrirvaraverkir ... datt ekki í hug að á innan við sólarhring síðar væri ég orðin mamma... fór upp á heilsugæslu í skoðun um 06 um morguninn en þá var ég komin með verki á 4-5 min fresti og var ekki farið að standa á sama... var farin að halda að það væri e-ð ekki í lagi ... en þá var ég komin með 2-3 í útvíkkun ... svo ég sór heim og ljósan sagði mér að leggja mig.. eða að reyna það og hvíla mig því ég þyrfti á öllum mínum kröftum á að halda ef ég væri komin af stað ... en mín var ekkert á því að geta sofnað með hríðir ... svo ég var bara að dútla mér og prjóna ... (prjónaði nánast heilan bol í lopapeysu í hríðunum, tók til í herberginu mínu og tók mig til til að fara á fæðingardeildina og heimkomuföt og solleis) þangað til ég fór upp á sængurkvennadeild á Selfossi aftur um 1315 en þá var ég komin með 6 í útvíkkun og sömu verki á 4 mín fresti ... en þau voru ekki nógu ánægð með hjartsláttarritið svo ég var send með sjúkrabíl til Reykjavíkur til öryggis ef skyldi vera þörf á barnalækni .... svo ... en allt fór alveg glimrandi vel og um kvöldið átti ég þennan litla yndilega "gullklump" eins og hún frænka mín orðaði það færeysk .... yndisleg...

En barnsfaðir minn og mamma voru hjá mér ... og það var alveg æðislegt að hafa þau þarna hjá mér... og svo komu mamma hans, pabbi minn og litla systir á fæðingardeildina seinna um kvöldið til að lýta rétt á okkur og skoða litla labbakútinn ....

Um nóttina vorum ég og barnsfaðir minn í Hreiðrinu og svo um hádegi kom pabbi og sótti okkur og skutlaði á sængurkvennaganginn á sjúkrahúsinu á Selfossi ... en það er yndislegt að vera þar ...

Svo núna er ég bara heima að knúsa og sinna litla prins ... og ræsa svefnpurkuna á 2 tíma fresti til að drekka ...hann elskar það greinilega að sofa... gerir ekkert annað ... og það eru vandræði að vekja hann til að drekka... en svo vær og yndislegur! 

Sen mynnir mig á það .... gjafatími!

Bíbí!   

 Gleðileg jól og farsæl komandi ár... og takk fyrir það liðna allir...

Þetta blogg mitt hefur verið ansi dautt að undanförnu vegna vinnu, skóla, óléttu og annars... Hef verið voðalega lítið í tölvunni.

Skólinn: ég tók 3 áfanga í kvöldskóla FB núna í haust sem og fékk alveg glimrandi einkunnir út úr því 9 - 9 og 8 sem er bara ansi gott finnst mér og er þá orðin Sjúkraliðanemi og með kauphækkun og meiri ábyrgð með því. 

Ég er að vinna enþá í Rvk á Borgarspítalanum og er í 80% en finnst morgunvaktirnar vera orðnar of erfiðar fyrir mig í bili sökum óéttu þannig að ég ég komin alfarið á kvöldvaktir og er það bara ágætt.     Er að vonast til að vera í vinnu út næsta vaktatímabil sem sendar 16. febrúar en þá eru 2 vikur og 5 dagar þangað til ég á að eiga.  En ef ég þar að hætta fyrr verður bara að hafa það.

Óléttan gengur bara glimrandi, er þó farin að finna til þreytu, vakna nokkrun sinnum á nóttuni til að snúa mér því bumban er fyrir og solleis, er komin með bjúg en það bara kemur ef það kemur og náttla verður maður bara að sætta sig við það og bara allt í lagi. 

Ég er sett 7. mars sem er bara prýðisdagur.  Mamma á afmæli 8. mars og er hún handviss um að ég ætla að koma með baby þá. 

Er farin að kaupa smá, eins og í rúmið og solleis en á smá af samfellum og solleis.  Ætla að kaupa dýnu í rúmið núna á næstu dögum fá RB-rúmum.  Keypti kommóðu í síðasta mánuði þannig að þetta er allt að koma... vantar bara föt og barnavagn/kerru en langar líka í eins og ömmustól og sonna hangandi leikföng... eru so dúlló

Ég fer í 32 vikna sónar á þriðjudaginn og er byrjuð að vera soldið mikið spennt yfir því... langar í fleiri myndir af barninu og solleis.  En svo er það mæðraskoðun á miðvikudaginn.  Fullt að gera. 

Ég er ekki komin með vefsvæði á barnaland.is en ég þarf að fara að athuga það bráðum.  Skemmtilegra til að fólk geti fylgst með því þegar maður er búin að eiga og solleis en eins or er á ég ekki neitt til að setja inn nema eina sónarmynd úr 20v sónarnum.  Á ekki bumbumyndir!  Finnst það bara skrítið að taka mynd af bumbunni á sér... en annars hef ég voðalega lítið spáð í því. 

Þá er þetta gott í bili!

C ya! 

Nú er ég bara flutt til mömmu og pabba með óléttuna mína.  En ég ákvað það því það er bara best að vera hjá þeim þegar e-ð sonna er.  Stuðningur og annað.  Ég er himin lifandi yfir því hvað þau eru ánægð með óléttuna og styðja mig helshugar í því sem ég er að gera.  Þó ég viðurkenni það að það verði örugglega erfitt að keyra í bæinn og skóla þegar ég er komin með meiri bumbu.

Ég er byrjuð í skóla aftur, er að taka 3 áfanga í kvöldskólanum í Fb og þar á meðal er öldrunarhjúkrun og vinnustaðanám á öldrunardeild sem ég tek á Ljósheimum á Selfossi.  Ég er rosalega ánægð með það. 

Þannig að núna er það vinnan á deildinni, Ljósheimum og skólinn en ég er hætt á skemmtistaðnum.  Finn það að ég verð rugluð á óreglulegum svefni og að ég þurfi að passa sérstaklega vel upp á hann og að vera ekki að vinna of mikið.  Þegar fer að vetra almennilega og kominn snjór og hálka og leiðindi á heiðinni er ég að spá í því að leyja herbergi í rvk til að hafa aðsetur þegar það er leiðinlegt veður eða þegar ég er á kvöldvakt ogmorgunvakt morguninn eftir.  Hljómar miklu betur.  Vona bara að ég geti fengið mér almennilegan bedda til að henda mér á. 

Var í innflutnings/afmælispartýi í gærkv. á Selfossi og það var bara mjög gaman en það var annað innflutningspartý sem við ætluðum allar í en tíminn flaug svo að það var kominn tími til að fara á ball í Hvíta húsinu þannig að ég skutlaði liðinu og fór svo bara heim að kúra mér í sængina... það kemur annað ball eftir þetta. 

Svo eru bara búin að vera rólegheit í dag, vaknaði kl 10 og er bara búin að vera að dúlla mér m.a. við að hringja í hið æðislega þjónustuver Símans þar sem ég þurfti að bíða í klukkutíma og 10 mín eftir því að enginn skildi neitt eða gat gert neitt eða bara ekki neitt.... bahhh...  þvílíka þjónustan .... ekki furða af hverju það er frítt að hringja þangað ... annars myndu allir fara á hausinn við að hringja þangað 70 mínutur á bið! 

En ég er farin með vinkonu minni að horfa á spólu... bíbí